Bootable Pendrive क्या होती है?
Aaj es post mai hum ye sikhege ki Bootable Pendrive Kaise Banaye par usse pehele aapko ye sikhna hoga ki Bootable Pendrive Kya Hoti hai, ek Bootable Pendrive, Normal Pendrive se Aalag hoti hai, to aapko ye pata hona chahiye ki Bootable Pendrive ko Bootable Pendrive es liye kaha jata hai kyu ki eski Help Se hum hamare Computer/Laptop aadi ko Boot krva sakte hai.
Matlab ek Bootable Pendrive ka use tab kiya jata hai jab Hamara OS Matlab Window Corrupt hojati hai ya fir Window mai koi Virus Aajata hai Ya fir Hume koi New Window Install karni hoti hai to ab aap samz chuke honge ki Bootable Pendrive ek aise Pendrive hoti hai jiska use karke hum hamare Computer/Laptop ko Repair/Format/Reset/Boot aadi krva sakte hai.
Table of Contents
Bootable CD/DVD/MemoryCard
CD/DVD: To Dosto aapko ye bhi jaankari honi chahiye ki aap CD/DVD aadi ko Bootable bana kr bhi Window ko Format kar sakte hai aur New Window Install kr sakte hai par aagar aap CD/DVD ko Bootable Banate hai to aapko ek Baat pata honi chahiye ki CD/DVD ki Life Pendrive k Mukable bhut Kam hoti hai matlab CD/DVD pe scratches bhut jaldi aajate hai, CD/DVD ko ek baar Write Krne k baad aap enko Format Nhi kr sakte, Aur Sabse Improtant CD/DVD ka use krke aagar aap Window Ko Format krte hai to Formatting ki Speed Kafi Slow hojati hai.
MemoryCard: Hum Memory Card ka use krke bhi Window ko Format kr skte hai but Memory Cards, Pendrive ki taraha Performance nhi de pate hai aur Memory Cards, Pendrive Ki tulna me jada Costly hote hai mai yaha pe cost ki baat es liye kr raha hu kyuki Memory Cards ko Bootable bnane par yehe jada dekha gaya hai ki vo Corrupt jada hote hai aur mai aapko ye bata du ki ek Corrupt MemoryCard Ke fir Se Sahi hone ke Chances bhut kam hote hai.
Tip: To aab tak aap etna jaan chuke hoge ki CD/DVD/MemoryCard/Pendrive mai se Pendrive He Best Option rahega.
Bootable USB बनाने के लिए क्या क्या होना चाहिए?
Computer/Laptop?
Ek Bootable Pendrive banane ke liye aapke paas ek Computer ya Laptop hona chahiye Jisme Hum ISO File Ko Download karke Pendrive mai use dalenge, Aur Pendrive ko Bootable banayege.
Bootable USB Banane Ke Liye Kitni GB Ki Pendrive Honi Chahiye?
Ek Pendrive Ko Bootable banane ke liye aapke pass kam se kam 8 GB ki Pendrive honi He Chahiye, Mai aapko Mimimum size bata raha hu Kyuki ek Window ki Setup File jise Hum Window ki ISO bhi kehte hai vo khud 5GB se jada ki hoti hai, aur aagar aapke paas 8GB se jada ki Pendrive hai to aachi baat hai Par 8GB se kam nhi honi chahiye.
Windows 8/10/11 ISO Files?
Pendrive ko Bootable banane ke liye ek ISO file ki jarurat hoti hai jise hum Bootable Pendrive Banane ke liye use karege matlab es File ko Pendrive mai dalenge, mai aapko bata du ki ye file he ek ese file hoti hai jiska use krke hum Pendrive ko Bootable bana sakte hai.
Bootable USB Banate Samay Jaruri Baate?
Dosto App es Post ko pad ke Pendrive ko Bootable Jarur bana lenge par aapko Bootable Pendrive bante samay kuch baato ka dhiyaan rakhna hoga, to aapko jin baato ka dhiyaan rakhna hai vo ye hai ki aapko Pendrive ko Bootable Banate samay usko USB Port se Nikalna nhi hai, jab aapki Pendrive Bootable ban Jaye uske Baad hi aapko Pendrive ko Nikalna hai nhi to aapki Pendrive ke Corrupt hone ki Chances 99% hai.
Bootable USB बनाने के तरीके?
- Rufus Software
- UNetBootin Software
- WinToBootic Software
- Balena Etcher Software
- Command Line (CMD)
Tip: To Jesa ki aap Jaan Chuke Honge ki Bootable Pen Drive Banane ke liye kitne sare Softwares available hai but hum sare Software ka use karke Bootable Pen Drive Banaye to Koi Matlab nhi niklega To es Post mai hum Rufus Software ka use karke Bootable Pen Drive Banayege Jo ki sabse best Software hai, aur eske aalava aapko Bina Software ke bhi Bootable Pen Drive banana Sikhayege, jiske liye hum CMD Method ka use Karege.
Rufus से Bootable USB कैसे बनाये?
Step1: Sabse pehele aapko Rufus Software ko Download karna hoga jise aap niche diye gaye Download Now button pe click kr k Download kr sakte hai.
Step2: Jese hi aap Download Now button pe click karege ek Website Open Ho jayegi jaha se aap Rufus ko Download kr sakte hai.
Step3: Jesa ki aap upar image mai dek sakte hai Website pe jaha rufus-4.0.exe likha hai, jese hi aap uspe click karege to Rufus Download Ho jayega.
Step4: Dosto aap yaha pe ye soch rahe honge ki hume hamare Computer/Laptop ke liye konsa Rufus Software Download krna hai to mai aapko bata du ki aapko image mai Platform likha hua dikh raha hoga jisme Windows X64 aur Windows X86 likha hua hai.
Step5: Ok dosto mai aapko batata hu ki aap kaise pata karenge ki aapko X64 Download karna hai ya X86, to Dosto yaha pe aapko ye diyaan rakhna hai ki X64 ka Matlab 64 Bit hota hai or X86 ka matlab 32 Bit hoto hai, aapka Computer/Laptop 64 ya 32 Bit ka hosakta hai.
Step6: Aagr aapko pata krna hai ki hamare Computer/Laptop mai kitne Bit ka OS Installed hai to aap Apne Computer/Laptop ke Desktop pe jo My Computer ya This PC ka Icon Hota hai uspe Right Click Krke Properties pe Click krke ye pata kr sakte hai.
Step7: Ab jese he aap Properties pe Click karege ek Window Open ho jayege Jisme Aap ye dek sakege ki aapke Computer/Laptop pe kitne Bit ka OS Installed hai.
Step8: To jesa ki aap dek sakte hai ki mere PC pe 64 Bit ka OS Installed hai to Mai Rufus ki Website se X64 Platform wala Rufus Software Download kr luga.
Step9: Dosto ab hum Rufus ka use krke Bootable Pendrive banayege, ab aap Rufus ko Open krle aur mere Steps ko follow krte rahe, aap Rufus ko Download krke Just Open Kr sakte hai Install Krne ki Jarurat nhi hai Kyuki ye ek Executable file hai.
Step10: jesa ki aap upar image mai dek sakte hai ki Select ke Just aage jo Down Arrow ▼ hai uspe click karege uske baad Download Option Ko select kr lenge, Download Option ko select krne k baad aapko Download Button pe Click krna hai aur es samay aapka Internet Connect hona Chahiye.
Step11: Jese hi aap Download Button pe Click karege ek New Window Open hogi jisme aapko ISO image File Download Krne Ko Bola jayega Jo ki Pendrive ko Bootable Banane me Use ki jayegi.
Step12: Jese he ye New Window Open hogi aapko sabse pehele Version Select Krna hoga Jisme aapko Window 8, Window 10 Ya Window 11 mai se us Window ko select Krna hoga jis Window ki aap Bootable Pendrive Banana Chahate hai fir aapko Continue Button pe Click krna hoga uske baad Release, Edition, Language aur Architecture ko vese hi rehene dena hai, fir Download using a browser Option Ko Select Kr lena hai.
Step13: Ab aapko Download Button Pe Click Krna hai jese hi aap Download Button pe Click karege Aapke Computer/Laptop mai jo bhi Browser Installed Hoga Usme ek Window Open ho jayegi Jisme aapse ye pucha jayega ki File ko kaha Save krna hai aap apne hisaab se kisi bhi drive mai File ko save kr sakte hai.
Step14: Ab jab tak aapki Window ki ISO Download Hogi tab tak Aapko wait Krna hai aur jese hi aapki File Download hojaye to aap Fir se Rufus ko Open krle, aur aapni Pendrive Apne Pc Se Connect Krle, jese hi aap Pendrive ko PC Se Connect karege vese hi aapko Device wale section mai aapki Pendrive ka name show ho jayega.
Step15: Ab Dosto aapko Select Button pe click krna hai, jese hi aap click krege ek Window Open hojayegi, Jisme aapne jo File Download ki thi usko Select kr lena hai, aur Open pe Click kr dena hai.
Step16: Jese he aap Window ki ISO ko Select kr lenge, Boot Selection mai, File Ka Name Show ho jayega.
Step17: Ab aapko Start Button pe Click krna hai jese he aap Start Button par Click karenge, ek Window Open Hogi Jisme aapko Kuch Bhi Select nhi krna hai just OK Button pe Click krna hai.
Step18: Jese he aap OK pe click karenge ek aur Window Open hogi jisme ye likha hoga ki aapki Pendrive mai pehele se aagar koi Data hai to vo Format ho jayega, to yaha pe aapko fir se OK pe Click kar dena hai kyuki hamari Pendrive mai koi Data nhi hai.
Step19: Dosto OK Button pe Click krne k baad Pendrive ko Bootable Banane Ka Process Start ho jayega, aapko es Process ke Finish hone tak ka wait krna hai, es Process mai aapko 15 se 30 Minute ka wait krna hai.
Step20: To Dosto ab aapko ek Ready ka Message Show ho raha hoga jiska matlab ye hai ki aapki Pendrive Successfully ek Bootable Pendrive ban Gayi hai ab aap niche diye gaye Close Button pe Click krke Rufus Ko Close kr sakte hai.
Bootable USB को Normal Pendrive कैसे बनाये?
To Dosto aapne es Post ko follow krke ye to sikh liye ki How To Create a Bootable USB Flash, Matlab Pendrive ko Bootable Kaise Bnante hai but aapko ye bhi pata hona chahiye ki How To Convert Bootable USB To Normal, Matlab Pendrive ko fir se Normal kaise karte hai to ye app niche diye gaye Steps ko pad ke Seekh Sakte hai.
Note: Aagar aapne Rufus se Pendrive ko Bootable Banaya hai to jab Pendrive ko UnBootable krna hoto Pendrive ko Direct Kabhi Format na kare isse Pendrive ke Corrupt hone ka Khatara Reheta hai, kyuki kuch Technical Cheeze hoti hai jaise Partition Scheme, File System aadi Jine Fir se Reverse Krna hota hai jo ki Rufus Pendrive Ko UnBootable krne par Automatically Default Set kr deta hai.
Step1: Apni Bootable Pendrive ko apne Computer/Laptop se Connect kare Fir Rufus ko Open kare.
Step2: Ab app Niche Image mai dek sakte hai ki aapki Pendrive Rufus mai Show ho gayi hai, ab aapko Boot Selection mai Non Bootable Option ko select Krna hai aur Start Button pe Click krna hai.
Step3: jese he aap Start Button pe Click karenge, ek Window Open hojayegi, jisme aapko OK Button pe Click krna hai.
Step4: Ok Button pe Click krte he aapki Pendrive ko Normal/UnBootable Banane ka Process Start hojayega.
Step5: Ab 2 se 5 Minute Wait Krne ke baad aap ko Ready ka ek Message Show hoga, Eska Matlab ye hai ki aapki Pendrive ab pehele jesi matlab Normal ho chuki hai, jise aap kahi bhi use kr sakte hai, Ab aap Close Button pe Click krke Apni Pendrive ko Nikaal Sakte hai.
Dosto Upar diye gaye Steps ko Follow karke aapne Ye Sikh liya hai ki Rufus ka use krke ek Bootable Pendrive ko Fir se Normal Pendrive kaise banate hai.
CMD का Use करके Bootable USB कैसे बनाये?
To Dosto aapne Rufus Software ka use karke Bootable Pendrive Kaise Banai Jati hai vo Sikh liye hai, ab mai aapko ye batauga ki Bina Software ke Bootable Pendrive kaise banaye, To eske liye hum Command Line Matlab CMD ka use karenge, CMD ka use karke Bootable Pendrive banane ke liye niche diye gaye Steps Ko Follow kare.
Step1: Sabse pehele aapko jis bhi Window ki Bootable Pendrive banani hai, jaise Windows 8/10/11 Uski ISO File Download kr ke rakhle, Windows ki ISO Direct Downlod krne ke liye mai Links Provide kr raha hu jisse aap anpi Manpasand Window Download kr sakte hai.
| Windows | 32Bit | 64Bit |
|---|---|---|
| Windows 8 ISO File Download | ||
| Windows 10 ISO File Download | ||
| Windows 11 ISO File Download |
Step2: Mene aapko Window 8/10/11 sabhi ke 32 Bit Aur 64 Bit Version wale Download Link provide kr diye hai ab aap kisi bhi Window ki ISO Direct Download karke Save krle.
Step3: Ab aapko aapke Computer/Laptop mai CMD Search Karke Command Prompt Open kr lena hai, aur aapko CMD Administrative Mode mai Open Krna hai, eske liye aapko Command Prompt pe Right Click krna hoga fir Run As Administrator pe Click krna hoga.
Step4: Ab aapko apni Pendrive aapke Computer/Laptop se Connect kr leni hai, Ab Command Prompt open hojayega, ab aapko diskpart type krna hai aur Enter Button Press krna hai.
Step5: Ab aapko list disk Command Type karni hai aur Enter Press Krna hai, es command se hare Computer/Laptop mai jo bhi Storage Devices Connected hai unki ek list show hojayegi, Jisme hamri Pendrive Bhi Show hogi jise aapko Size se Identify krna hoga.
Step6: To aapko ab pata chal gaya hai ki aapki pendrive konsi hai yaha pe 28GB Size wali Pendrive hamari hai, ab hum hamari Pendrive ko select krne ke liye select disk 2 Command dege, aur Enter Press karenge.
Step7: Dosto ab aapki Pendrive Select hogai hai, ab aapko Clean Command deni hai aur Enter Press Krna hai, es Command se aapki Pendrive mai aagar Koi Temp File hogi to vo Clear Ho jayegi.
Step8: Ab aapko create partition primary Command deni hai, aur Enter Press krna hai, es command se aapki Pendrive mai ek Primary Partition Create ho jayega.
Step9: Ab hum list partition Command denge aur Enter Press krenge, Jisse hume ye pata pad jayega ki hamara Primary Partition Create hua he ke nhi.
Step10: Dosto ab aapko select partition 1 Command type krni hai aur Enter Press krna hai, esse jo aapne Partition Create kiya tha vo select hojayega, Joki Partition 1 hai.
Step11: Partition 1 ke Select hojane ke baad ab hum, format=fs ntfs quick Command denge aur Enter Press karenge, Jisse hamari Pendrive ya fir ye bhi kehe sakte hai ki Partition 1 Format ho jayega.
Note: format=fs ntfs quick Command ka Use krne par Pendrive ko Format hone mai 5 se 10 Minute ka Time Lag sakta hai to jab 0 Percent Completed..... Likha hua aaraha hoto ye na Soche ki Kuch Problem hai bas Wait kare aapka kaam hojayega.
Step12: Ab aapko active Command deni hai, aur Enter Press krna hai, es Command ko dene se aapka jo Primary Partition hai vo Active ho jayega.
Step13: Ab aapko exit Command dekar Enter Press krna hai, aur fir Command Prompt ko Close kr dena hai.
Step14: Dosto ab aapko aapki Jo ISO File Hai Jise aapne Download kiya tha uspe Right Click krna hai, aur Mount Option ko Select karna hai.
Note: Dosto aapko mai bata du ki Window ki ISO Pe Right Click krke jo Mount Option aata hai ye Windows 7 mai nhi aata hai, to aagar aapko kisi ISO Ko, Window 7 Mai Mount/Open krna hai to uske liye aapko, aalag se Software Install krna hoga, To Jo bhi Window 7 use kr rahe hai unke liye mai Kuch ISO Mount karne wale Software's ke Name Niche de raha hu Jinpe Click karke aap un Software's ki Official Website pe jake Unko Download kr sakte hai.
Step15: Jese he aap Mount Option pe click karenge ek Window Open hojayegi, Jisme aapko Open Button pe click krna hai.
Step16: Open pe click krte he ek Window Open hojayegi jisme aapko ISO File ke aandar jo Files hai vo Show ho jayegi.
Step17: Ok Dosto bs ab aapko ye sari Files apni Pedrive mai Copy kr leni hai, Aur Files ke Copy ho jane tak wait krna hai.
Step18: Jese he Sari Files aapki Pendrive mai Copy ho jaye eske baad aapko kuch nhi krna hai, ab aapne CMD (Command Prompt) ka use karke Bootable Pendrive banali hai, ab aap es Pendrive ka use karke Apne Computer/Laptop Mai Window Ko Install kr sakte hai.
CMD का Use करके Bootable USB को Normal कैसे करे?
Dosto aapne CMD ka use karke Bootable Pendrive bana to sikh liya, par aapko aapki pendrive aagar fir se Normal Ya Unbootable karni ho to aap CMD mai kuch Commands dekar ye kaam kr sakte hai, to eske liye aapko niche diye gaye Steps ko Follow krna hoga.
Step1: Sabse pehele aapko apni Bootable Pendrive ko aapne Computer/Laptop se Connect kr lena hai, Uske baad CMD (Command Prompt) ko Search karke, Run as Administrator karna hai.
Step2: Ab diskpart Command deni hai, Aur Enter Press krna hai, Jese he aap Enter Press karenge aap Diskpart mai aajayege, jo ki Microsoft ka he ek Tool hai.
Step3: Now Type The Command list disk Fir Enter Press krna hai, Es Command ko dene se aapke Computer/Laptop se jo bhi Storage Devices Connect hogi unki ek List show hogi, Esme aapko Size ke anusar aapki Pendrive ka pata lagana hai, Jaise yaha Hamri Pendrive 28GB Size Wali hai, Jo ki Disk 2 hai.
Step4: Ab Hum select disk 2 Command denge, Fir Press Enter karenge, Jisse hamari Pendrive Select hojayegi, yaha aapko ye dhiyaan dena hai ki yaha par aapki Pendrive Disk 2, Disk 3 ya Disk 4 bhi ho sakti hai, esliye aapko maine Size ke anusar Pendrive ko Pehechanne ko Kaha jo ki sabse aacha tarika hai.
Step5: Dosto ab hum clean Command denge, Aur Enter Press karenge, Jese he hum Enter Press karenge jo hamari Bootable Pendrive hai, usme jo Primary Partition hai vo Clear ho jayega, ya apan ye bhi bol sakte hai ki Delete hojayega.
Step6: Ab hum create partition primary Command denge, Aur Enter Press karenge, Jese he hum Enter Press karenge Hamari Pendrive mai ek Primary Partition Create ho jayega.
Step7: Ok Dosto ab hum format fs=fat32 quick Command denge, Aur Enter Button Press karenge, fir 100% Completed hone ka wait karenge, Mai aapko bata du ki es Command ko dene se hamari Bootable Pendrive Fat32 File System ke Saat Format hojayegi, Matlab ab aapki Pendrive Format ho chuki hai, Aur ek Normal Pendrive ban chuki hai, jisse aap jaise chahe vese use kr sakte hai.
Step8: Ab aap exit Command dekar, Enter Press karke CMD (Command Prompt) ko Close krde.
Step9: Dosto aapne CMD ka use karke Successfully Bootable Pendrive ko Normal Pendrive Banana Sikh liya hai, Ab aap apni Pendrive ko Check kr sakte hai, Vo Pehele Jaisi ho chuki hogi, Jaisa ki aap niche Image mai dek sakte hai.
Mobile से Bootable USB कैसे बनाये?
Dosto aapne Mobile se Bootable Pendrive/USB Bootable banane ke bare mai kisi Website ya Youtube aadi pe dekha hoga, to aaj me aapse es Topic pe he baat karne wala hu ki kya hum Mobile ka use karke Pendrive ko Bootable bana sakte hai, to es bare mai mera kehena hai nhi.
Mai aapko mana esliye kr raha hu kyuki Bootable Pendrive Banane ke liye jo Applications Ke naam Apne Sune hai un Applications ko mene try krke dekha, Uske baad hi aapko mai bata raha hu, ki vo Applications shi se kaam nhi krti, ya ye bhi khe sakte hai ki kaam he nhi krti.
- Ventoy (Unofficial) Ver 1.0.91-53
- Rufus (Unofficial) Ver 1.0.26
- ISO 2 USB Ver 4.0.11
Ventoy Application: Es Mobile Application mai aapko "No Enough Space" Error Dekhne ko milegi.
Rufus Application: Ye bhi ek Mobile Application hai, jiska use krke maine Bootable Pen Drive banai, par jab us Bootable Pendrive se Pc Ko Boot Krvaya to Pc Start ho gaya Matlab Window Install krne ke liye Koi Option nhi aaya, Ya ye bhi kehe sakte hai ki Ye Application Pendrive ko Shi se Bootable nhi bana payi, aur ha es Application ko Bootable Pendrive Banane mai 2 Hours Se jada lag gaye, Uske baad bhi koi matlab nhi nikla.
ISO 2 USB Application: Es Application Mai Pendrive Detect he nhi ho rahi thi.
To Dosto Uppar Jo Applications maine batai hai, Unko mene Khud Test Kiya hai, Mere Mobile Pe But Teeno Applications Bootable Pendrive banane mai, Successful Nhi Ho Payi.
Note: Jab mene en Applications Ko Test kiya to muje jo Error dekne ko mili mene aapko bata di jisse aapka Time Waste na ho, aur ha aapko ye bhi pata hona chahiye ki ye Errors Kuch Time Baad En Applications Ke Jo Developers hai unke Duara Fix bhi ki jasakti hai, To Eske liye aap Muje na Bole ki mene aapko galat jaankari di hai, Mene jo Jaankari di hai vo mere Duara Applications ko Test Karne ke Baad he di hai.
Tip: Dosto aagar aapke paas ek he Computer/Laptop hai, Aur Uski Window Corrupt hogayi hai, To us Samay aapke paas keval 2 options honge, ya to Kisi Computer ki Shop Pe jakar aap apne Computer/Laptop ko Format karvake Usmai New Window Install krvaye jismai aapke 300 se 400 Rs lag jayenge, Ya Fir aap apne Mobile se Jo Window aapko aapne Computer/Laptop mai Install krvani hai uski ISO File Download krke rakhle.
Fir apne kisi Friend ke paas jake uske Computer/Laptop ko Use mai lekar, Rufus Software ya CMD Ka use krke, Apni Pendrive ko Bootable bana le, Aur fir Apne Computer/Laptop mai us Bootable Pen Drive ko Laga kr apne Computer/Laptop ko Format krle aur Usmai New Window Install krle.
आज आपने क्या सीखा?
Ok Dosto to Aaj aap sabne Rufus Software aur CMD ka Use Karke Bootable Pen Drive kaise banai jati hai ye sikh liya hai, to ab aap es Bootable Pen Drive ka use krke kisi bhi Computer/Laptop ko Format kr sakte hai, aur usme New Window install kr sakte hai.
Aagar aapke Es Post Bootable Pen Drive Kaise Banaye ko lekar koi Savaal hai to aap Niche Comment krke hum se puch sakte hai, hum aapke Savaalo ka Jawaab dene ki puri Koshish karege.
Aur aagar aapko hamare duara di gayi jaankari aachi lagi hoto es Post ko jitna hosake utna Share kare, aur hamare Blog ko Subscribe kare taki jab hum koi bhi New Post Publish kare to uska Notification aapko mil sake.
FAQs For Bootable USB
What is Pendrive? (Pendrive क्या होती है?)
Pendrive ek Storage Device hoti hai, Jiska use karke hum Audio, Video, Text aadi Files ko Store krke rakh sakte hai, Aur kisi bhi File ko ek Device se Dusari Device mai Transfer kar sakte hai.
What is Bootable Pendrive? (Bootable Pendrive क्या होती है?)
Jis Pendrive ka use krke hum hamre Computer/Laptop ko Repair/Recover/Format ya Boot krva sakte hai, Aisi Pendrive ko Bootable Pen Drive kaha jata hai.
What is Flash Drive? (Flash Drive क्या होती है?)
Pendrive ya SD Cards ko Flash Drive, USB Flash Drive, Bootable USB Flash Drive, Windows USB Flash Drive, USB Stick aadi bhi Bola jata hai, Vese Flash Drive ka matlab aisi Drive ya Device se hota hai, Jismai hum Data Ko Unlimited Times Store aur Delete kar sakte hai.
What is USB? (USB क्या होती है?)
USB ka Full Form Universal Serial Bus hota hai, Computer/Laptop mai jis jagha hum keyboard, mouse, Pendrive, Wifi Adapter aadi ko Connect karte hai, usko USB kaha jata hai, Joki Devices aur Computer ke Beech Connection ka kaam krti hai.
What is Rufus? (Rufus क्या है?)
Rufus ek Software hai jiska use krke hum Apni Pendrive Ko Bootable bana sakte hai, Aur Computer ko Format krke usmai New Window Install Kr sakte hai, Aur Pendrive ko fir se Unbootable ya Normal kr sakte hai.
Requirements for Bootable Pendrive? (Bootable Pendrive के लिए आवश्यक चीजें?)
Bootable Pen Drive Banane ke liye Computer/Laptop, Internet, Window ki ISO Format wali File, Rufus Software aur ek Pendrive ki Jarurat hoti hai.
Is 4GB Pendrive Enough? (क्या 4GB की Pendrive काफी है?)
No: 4GB ki Pendrive Kafi Nhi hai kyu ki Windows ki ISO Ka size he 5GB se 6GB tak ka hota hai.
Minimum GB For Pendrive? (कम से कम कितने GB की Pendrive होनी चाहिए?)
Bootable Pen Drive banane ke liye aapke paas Kam se Kam 8GB ki Pendrive honi he Chahiye.
Which Pendrive is Best? (कौनसी Pendrive बेस्ट है?)
Vese to Market mai bhut sari Pendrives Available hai, But kuch Pendrive Brands aise hai jinki Pendrives sabse jada sell hoti hai, Jaise SanDisk, Hp, Kingston ye 3 Brands aise hai, jinki Pendrives Best Quality aur Best Price mai aapko mil jati hai, To aap SanDisk, Hp ya Kingston mai se kisi bhi Brand ki Pendrive Buy Kar sakte hai.
What is Filesystem? (Filesystem क्या होता है?)
Windows OS Mai FileSystem ek Module ya fir Kehe sakte hai ki ek Software hota hai, Jo ye Manage krta hai, Ki Hamare Computer Mai Files kaise Store hogi, kaha Store hogi aur Kaise Fetch hogi.
Fat32 File System? (Fat32 File System क्या है?)
Fat32 Ka Full Form File Allocation Table 32 hota hai, Aur ye File System 1996 mai Introduce hua tha, Es FileSystem mai aap Maximum 4GB ki File ko Ek baar mai Store kr sakte hai, matlab aagar aapki Pendrive ka File System FAT32 hai To aap usmai 4.2 GB ki File ko ek Baar mai Store nhi kr sakte, Par aagar aap koi Folder Jiska Size 4GB se jada hai, To Usko ek Baar mai Store kr sakte hai, Kyuki us Folder mai aalag-aalag Size ki Files hoti hai, Jo 4 GB se kam hoti hai.
NTFS File System? (NTFS File System क्या है?)
NTFS Ka Full Form New Technology File System hota hai, Aur ye File System 1993 mai Introduce hua tha, Aur Ese Microsoft Ne Develop kiya hai, Es File System ko Sabse Pehele Windows NT Operating System Mai Use kiya gaya tha, Ab Sabhi Windows OS By Default Ese File System ke Saat aate hai, Es File System ki Maximum File Size Limit Windows ke New Versions jaise Windows 10 ya Windows 11 ke saath 8PB (Petabytes) hai, Aur Kuch Windows ke Older Versions ke saat 256TB (Terabytes) hai, Aur Ek Bootable Pen Drive ese File System ka use krti hai.
ExFat File System? (ExFat File System क्या है? )
ExFat Ka Full Form Extended File Allocation Table hota hai, Aur ye File System 2006 mai Introduce hua tha, Aur Es File System ko bhi Microsoft Duara he Develop kiya gaya hai, Es File System ko Jadatar Portable Storage Devices jaise Pendrive, SD Cards Aadi, Ke Saat Use kiya jata hai, Aur es File System ki Maximum File Size Limit 128PB (Petabytes) hoti hai.
What is MBR? (MBR क्या होता है?)
MBR ka Full Form Master Boot Record hota hai, Aur Ye ek Partition Style hoti hai, Aagar aapki Hard Disk 2TB tak ki hai to aap MBR Partition Style Select kr sakte hai. Aur aagar 2TB se jada hai to MBR Partition Style Support nhi karegi, Eske alava MBR HardDisk ka First Sector hota hai, Jismai Hamare Sabhi Partitions ki Details hoti hai ki Konsa Partition kaha se Start ho raha hai aur kaha End ho raha hai.
MBR Partition Style mai hum 3 ya 4 Primary Partition bana sakte hai, Aur aagar hume 4 se jada Partition Banane hai to hume 3 Primary Partition banane padenge aur 1 Extended Partition banana padega jismai hum Kitne bhi Logical Partitions bana sakte hai, jab tak hamare pass Free Space Avaliable ho.
What is GPT? (GPT क्या होता है?)
GPT ka Full Form GUID Partition Table hota hai, Aur Ye Bhi ek Partition Style hoti hai, GPT Partition Style ka use tab kiya jata hai jab aapki HardDisk 2 TB Se jada ki hoti hai, Jaise 4TB Tab aapko GPT Partition Style ka use krna hota hai, Esmai aap 128 Primary Partitions bana sakte hai, GPT mai aapko CRC (Cyclic Redundancy Check) Function mil jata hai, Jo aapke Data ko Time To Time Check krta reheta hai, Aur Error milne pe Usko Automatically Fix kr deta hai.
GPT Ka sabse bada Fayda ye hota hai ki esmai har Partition ki Information, Jaise Partition ka Address aadi, Partition ke Start aur End dono Jagha Store hota hai, Jisse aagar Start wali Information Corrupt hojaye to usko End se le liya jata hai, Jabki MBR mai Har Partition ki Information Keval Partition ke Start mai he Store hoti hai, Aur aagar vo bhi Corrupt hojaye to us Partition mai Store Data Hame nhi mil Payega.